सिद्धता

नको वाटतात आता अर्थपूर्ण अक्षर

की जिथे त्याला शोधावे लागेल

नको वाटतात अश्या वाटा जिथे स्वतःची

पाऊलखुन सिद्ध करावी लागेल 

अस्तित्व असुनही पाण्यासारखे प्रतिबिंब 

पाहायला मिळेल असं जग नको 

जिथे उमलताना श्वासासाठी झगडत 

बसावे लागेल असं झाड नको 

चालत्या बोलत्या जगाच्या पलीकडे 

जाऊन शोधावे अस अस्तित्व हव 

नकोत कहाण्या अशा जिथे राजानेच 

फक्त राणीच होउन जावं 

आभाळही हवय चांदण्याने भरलेलं 

पण तुटत्या ताऱ्यांची वेदना नको 

गजबजलेल्या आकाशात सुर्य हवा 

पण कडकडलेलं ऊन नको 

श्वास पाहिजे शरीराला पण 

अन्नाचा साठा पचन होत नाही 

दगदगीच्या दशकात अंतर्मन हव आहे 

पण त्याला ओळखणारा देह नको 

जगणं ही हव आहे पण जगण्यात 

कोणाचीही बेरीज नको 

एकट्याची वाट हवी आहे पण चालतांना 

सोबत कोणाची पाऊलखुण नको 

-सानिका उद्धव खेडकर